Цягнік едзе ў Кіеў, а галоўны персанаж - лютая малпа з кульком - засынае ў тамбуры плацкартнага вагона. Акурат у той самы момант у тамбур трапляе маланка, і персанаж прачынаецца пасярод прагаліны на планеце Бабуін у сістэме Агра Цэнтаўра. Там, пасля сумоўя, яго б'юць па галаве старажытным фаліянтам у скураной палітурцы, ён вырубаецца і ачомваецца ўжо ў нетрах гэтай кніжкі, з якой павінен выбрацца. Кніжка насычаная ідыёцкімі гісторыямі пра дэгенератаў, калхазанаў і духоўных настаўнікаў, а перасанаж, каб выбрацца на волю, павінен узяць удзел у кожнай з гэтых гісторый. Гісторыі пададзеныя ў выглядзе лекцый, напісаных у жанры аграмістычнага рэалізму.

У афармленні кнігі выкарыстаныя мастацкія працы Івана Сэмесюка.

Увага. У кнізе ёсць нецэнзурная лексіка. Пажаданае ўзроставае абмежаванне - 18+.